LAOAG CITY – Manamnama a maiyuswat ti public hearing mainaig iti pannakaregulate ti presyo ti karne iti baboy iti ili ti Solsona.
Kuna ni Bise Mayor Bob Sacro a daytoy ket kalpasan a nakaawat kadagiti report mainaig iti kellaat a panagngato ti presyo ti karne nu sadino a manipod iti 220 a pisos ket nagbalin a 300 a pisos iti kada kilo.
Malaksid iti daytoy, inbatad na nga adda ti arungaing dagiti sumagmamano nga aglako ti baboy seknan iti kaawan ti magatang a live weight gapu kadagiti aggatang manipod iti sabali nga ili.
Innayun ni Sacro a babaen iti pannakatratar ti nasao a banag ket mangnamnama a makontrol dagiti transient buyers ken saan a maagawan dagiti partidor iti ili ti Solsona.
