LAOAG CITY – Maiyuswat ti public hearing mainaig iti pannaka-amendar ti Traffic and order code ditoy ciudad ti Laoag intono nobyembre 12 ita a tawen.
Manamnama ti panagatendar dagiti amin a presidente ti TODA ken dadduma pay a maseknan iti daytoy a banag.
Immunan a nailungalong iti konseho ditoy ciudad ti Laoag ti pannaka-amendar ti nasao nga ordinansa.
Gagem ti pannaka-amendar ti nasao nga ordinansa ket ti pannakaipababa ti multa dagiti aglabsing ti pagalagadan iti trapiko no sadinno a manipod iti sangaribo a pisos ket maipababa ti 500 a pisos.
