LAOAG CITY – Balligi ti naiyuswat a public hearing maipapan iti pannakaamendar ti ordinansa iti traffic code iti ili ti Vintar.
Segun ken ni Vice Mayor Maribel Albano iti nasao nga ili, naipangato ti multa dagiti aglabsing iti linteg-trapiko ken pannakaipawil ti agi-parking kadagiti igid ti kalsada.
Inbatadna a ti nasao a public hearing ket inatendaran dagiti motorista kangrunaanna dagiti Tricycle, Operators and Drivers Association, barangay officials, Philippine National Police ken dagiti traffic enforcers.
Inlawlawagna a gagem daytoy tapno lumawa ti kalsada ken masurot ti pannakaiestablisar dagiti traffic signs kadagiti nagduduma a lugar iti nasao nga ili.
Innayonna a ti first offense idi ket 200 a pisos ngem itan ket 500 a pisos kadagiti agsalungasing iti nasao a pagalagadan ken dadduma pay a multa.
