LAOAG CITY – Makaawaten dagiti Public School Teachers ti kanayunan a P10,000 allowance kagiddan ti approval iti Implementing Rules and Regulations (IRR) ti Republic Act no. 11997 wenno ti Kabalikat sa Pagtuturo Law.
Ti nasao a linteg ti mangibilbilin iti nadakamat a cash allowance.
Iti babaen ti nasao a linteg, agbalinen a regular ti pannakaipaay ti P10,000 allowance kadagiti mangisursuro ti pampubliko a pagadalan.
Mangrugi inton sumaruno a tawen, maawatda daytoy ken mausar iti pananggatang ti tangible ken intangible teaching supplies ken teaching materials.
Mausar pay daytoy kas bayad iti incidental fee ken para iti pannakaipatungpal ken panangiyuswat kadagiti nagduduma a mode of learning ngem nakadepende iti pagkasapulan ti pagadalan.
