LAOAG CITY – Inpaganetget ti Land Transportation Franchising and Regulatory Board (LTFRB) a saandan nga iyalud-od pay ti Public Utility Vehicle consolidation nga agngundo inton Abril 30.
Segun ken ni Land Transportation Franchising and Regulatory Board Chairman Atty. Teofilo Guadiz III a no malpasen ti extension dagiti Public Utility Jeep a saan a naka-consolidate ket saanen a palubusan pay nga agoperar.
Inbatadna a napateg nga ag-consolidate dagitoy gapu ta mayasa daytoy paset ti modernization program nga ipatpatungpalda.
Kunana nga amin a prankisa a saan a naka-consolidate ket ikkatenda ken palubusanda laeng ket dagiti naka-consolidate.
Maipalagip a nangisayangkat dagiti sumagmamano a transport group ti panagsardeng nga agpasada kas panangkontra iti consolidation program ti gobierno.
