LAOAG CITY – Rugianen inton bigat, Disiembre 2 agingga iti Disiembre 3 ti Bureau of Customs (BOC) ti public viewing iti 4 a luxury vehicles dagiti Discaya a dumaldalan iti auction.
Karaman ditoy ti Rolls Royce dagiti Discaya nga ilaklako laengen iti balor a ₱36-million manipud iti ₱46-million idinto a ti Toyota Tundra ket mailaklako iti ₱3.4-million, ti Toyota Sequioa ket ₱4.6-million ken ti Bentley Bentayga ket ₱13-million.
Iti press conference iti Independent Commission for for Infrastructure (ICI) ni Customs Spokesperson Atty. Chris Bendijo, kunana a matuloyen inton Disiembre 5 ti auction kadagiti nasao a lugan ti agasawa a Curlee ken Sarah Discaya.
Kuna ni Bendijo, iti dua nga aldaw a public viewing, manamnama nga agisubmitir ti documentary requirements dagiti interesado a buyers.
