LAOAG CITY – Nagballaag ti EcoWaste Coalition iti publiko kontra kadagiti “Labubu” tumblers nga addaan ti nangato a toxic lead.
Inbatad ti grupo a ti tumblers ket paset ti innem nga ‘unofficial’ Labubu merchandise items a mailaklako iti balor a P275 iti kada pedaso.
Naammoan a ti lead nga uray nababa ti doses-na ket narisgo iti salun-at.
Basar iti World Health Organization (WHO), dagiti ubbing kangrunaanna ti vulnerable iti epekto ti toxic ken mabalin a mangitunda ti permanente nga adverse health impacts kangrunaanna iti panag-develop ti central nervous system.
