LAOAG CITY – Nanayunan ti puersa a mangipaay ti seguridad kadagiti delegasyon ti Association of South East Asian Nation (ASEAN) Summit.
Segun kenni PNP Provincial Director Police Sr. Supt. Jose Melencio Nartatez Jr., malaksid ti augmentation force ti PNP manipud ti regional at central office ket adda pay ti puersa nga aggapu ti Armed Forces of the Philippines kas iti Airforce, Army, Navy. ken Coastguard.
Kuna na nga iti Army ket adda ti armored vehicles da, ti Navy ket adda ti barko da ken ti Anti Terrorist Group a bukbuklen ti Special Action Force (SAF).
Malaksid iti Plaza del Norte nga ayan ti delegasyon, naituding nga agsursor dagiti delegasyon kadagiti maibilang nga Heritage Sites kas iti ili ti Paoay, Pagudpud, siudad ti Batac ken ditoy siudad ti Laoag.
Innayon ni Nartatez a dagiti agpartisipar iti nasao a summit ket dagiti mangbukbukel ti cluster head seknan ti environmental laws, urban resilliency to climate change ken disaster risk reduction offices.
