LAOAG CITY – Inbatad ni Engr. Neil Jose, presidente ti Pugad-Lawin a nakasagana da a tumulong para kadagiti agad-adal iti Sitio Lasien iti Barangay Nagrebcan idiay ili ti Badoc.
Inlawlawag na a narigat ti dalan a mapan idiay Barangay Nagrebcan isut gapuna nga ado dagiti ubbing a saanen nga agtuloy nga agbasa.
Gapu ti daytoy, kuna na a kinasarita da dagiti nagannak a kasarita da dagiti annak da a mapan agenrol ken inkari da nga isuda amin ti makaammo ti usaren da nga agbasa.
Inlawlawag na a plano da ti mangrenta ti balay iti asideg ti Nagrebcan High School tapno isu ti pageskwelaan dagiti ubbing ken kasarita da ni Mrs. Vilma Eda, ti DepEd Supt ditoy probinsya tapno adda ti mainstular a mangisuro iti lugar.
Innayon na a pursigido da a tumulong kadagiti ubbing gapu ta iti panagturong da ti lugar ket nakita da ti gagar da a makaadal ngem gapu ti sitwasyon da ket saan da a makapan ti pagadalan.
Engr. Neil Jose, presidente ti Pugad-Lawin
