LAOAG CITY – Kinumpirmaran ni Police Lt. Col. Rafael Lero, hepe ti PNP Laoag a natungpal dagiti PUJ ken PUB driver dagiti protocol iti baet ti COVID-19 pandemic.
Daytoy ket kalpasan a nangrugi idi kalman ti panagsita ti PNP Laoag kadagiti PUJ ken PUB a napusgan nga agpasada.
Kuna na nga addaan ti barrier kadagiti uneg ti Jeep ken Bus kabayatan iti naiyuswat a checkpoint.
Segun kenni Lero, nasken met nga agisuot ti face mask ken face shield dagiti pasahero kadagiti pampubliko a lugan ken uray iti panagserrek kadagiti mall ken pagtagilakoan.
Daytoy ket gapu ti guidelines nga inparuk-at ti DOTr ken iti DOLE seknan ti panagisuot ti face shield.
Inbatad ni Lero nga awan pay ti pannusa para kadagiti agsalungasing iti nasao a linteg gapu ta awan pay ti inparuk-at ti National ken Regional IATF.
Kuna na a malaksid laeng no adda ti iparuk-at ti gobyerno probinsyal.
Innayon ni Lero a ballaagan da pay laeng dagiti matiliwan wenno masita nga awanan ti suot a face shield.
Mandatory iti panagsuot ti face mask nangruna no rumwar iti pagtaengan wenno iti inaladan.
