LAOAG CITY – Inbatad ni Jail warden Edietor Guiang a naiget nga ipatpatungpal da ti pagannurutan a saan a maipaayan ti VIP (Very Important Person) treatment ti pulis a suspek iti pammaltog a nakatayan aglive-in partner ken nakasugatan ti maysa pay nga indibidual iti Barangay 21 iti ili ti San Nicolas kalpasan a naipisuken iti Ilocos Norte Provincial Jail.
Segun kenkuana, aniaman ti propesyon wenno kinatao ti maiserrek iti pagbaludan ket agpapada amin ti trato kadakuada.
Inlawlawag na a dagiti damo na ti maiserrek iti Ilocos Norte Provincial Jail ket masapol a dumalan ti quarantine iti las-od ti lima nga aldaw, no sadinno a tingitingen nga umuna ti nurse ti pagbaludan sakbay a maitipon kadagiti siguden a balod.
Inmunan iti daytoy, ibilang ti Philippine National Police a nasolbaren ti kaso ti pammaltog iti Barangay 21, San Agustin iti ili ti San Nicolas.
Segun kenni Police Col. Joemar Labiano, ti Provincial Director iti Ilocos Norte Police Provincial Office adda dagiti ebidensya kas kadagiti Closed-circuit television Closed-circuit television footages ken statement dagiti witnesses iti nasao a krimen.
Inlawlawag na a ti binulod ti suspek a motorsiklo iti kampo ket isu met laeng ti nakita iti nakapasamakan ti krimen ken kabayatan ti ipapanaw dagiti suspek iti lugar ketnaala pay iti Closed-circuit television camera.
Malaksid iti daytoy, ti testimonya dagiti witnesses ken ti nakalap da nga ebidensya kas iti oras nga ipapanaw ti suspek iti kampo, ti motorsiklo ket agsusurot.
Inpetteng na nga uray kadua da a pulis ti suspek ket saan da a protehiran gapo ta nasken a maipaay ti hustisya kadagiti biktima.
Ti suspek ket sumansango ti kaso a double murder ken frustrated murder, idinto nga isagsagana metten ti investigation unit ti Ilocos Norte Police Provincial Office ti kaso administratibo nga ipila da kontra kenkuana.
