LAOAG CITY – Nakasagana ni PO3 Bernardo Palpal, dati a kameng ti PNP-Sarrat ngem naidestino idiay probinsya ti La Union nga agsungbat iti reklamo a naipdanon iti Bombo Radyo.
Daytoy ket seknan iti maipagarop a panagdangran na kadagti dua a barito idiay ili ti Sarrat itay kallabes babaen ti tsinelas.
Segun kenni Palpal, mapan lattan mangisubmitir ti pormal a reklamo dagiti maseknan nga agrekreklamo kontra kenkuana.
Basar ti naipadanon a ladawan dagiti maipagarop a nadangran a babbarito ket arig na naglamma ti tsinelas iti gurong da.
Nagkedked met a mangipaay ti naan-anay a komento ni Palpal seknan iti nasao nga alegasyon.
