LAOAG CITY – Nagsaba ti sugat ti maysa a pulis kalpasan ti napasamak a nadesgrasya iti paset ti Brgy. Tarrag iti ili ti Pagudpud.
Nabigbig daytoy a ni PSgt. Oliver Cascayan iti PNP Dumalneg ken residente iti ili ti Adams.
Segun ken ni Pol. Staff Sgt. Virgilio Domingo, imbestigador iti nasao a desgresya, agpapabagatan a direksyon ti inturong a motorsiklo ti pulis idi ta kellaat a nagkurba ti elf truck nga inturong ni James Patrick Datingginoo, agtawen ti 28, welder ken residente iti Ligaya St. 7 Ave. Caloocan City ngem agdama nga agnanaed iti Brgy. Aggasi iti ili ti Pagudpud.
Inbatad na a saan a nagflasher ti truck isut gapu na a naidungpar ti motorsiklo.
Gapu iti daytoy, nagsagaba ti sugat iti akinkannigid a gurong ti pulis.
Naitaray daytoy iti Bangui District Hospital ngem naiyakar iti Mariano Marcos Memorial Hospital and Medical Center iti siudad ti Batac para iti naan-anay a pannakataming na.
