LAOAG CITY – Isagsaganan ti PNP-Pasuquin ti kaso a panagsalungasing iti RA 10591 ken Direct Assault and Oral Defamation kontra iti agnagan iti Raymar Cariaga y Valenzuela, agtawen iti 39 years old, married, tricycle driver residente iti Brgy. 1, Poblacion, Pasuquin, Ilocos Norte.
Inbatad daytoy ni P/C/Insp. Roldan O. Suitos, Hepe ti Pulisya nasao nga ili.
Segun ken ni Suitos, daytoy ket gapu iti saan a napintas nga inaramaid na kadakuada idi adda iti Rural Health Unit ken iti istasyon ti pulisya.
Kuna na nga immuna a nagresponde dagiti kakadua na iti self vehicular accident iti paset ti Bgy. Caruan iti nasao met la nga ili ket idi adda dan iti RHUt ket bigla nga adda iti immasideg a nakatrisikel a ni Cariaga.
Ditoy nga inasitgan na dagiti kameng ti pulisya ken bigla a pinagsaw-saw-an na dagitoy iti agkakadakes.
Dinamag dagiti pulis no ania ti problema ket naibaga na a patayen da ti blinker light ti patrol car gaapu ta masisirap.
Inlawlawag ni Suitos a gapu ta saan nga agsardeng a saosao ni Cariaga, kapilitan nga innalada iti istasyon ti pulisya ket idi addan iti istasyon ti pulisya, nagbalin a bayolante daytoy.
Maysa kadagiti pulis a ni PO2 Dennis Catolico iti naganawa ngem dinegdegan na ti nagwalwala rason a natukkol ti maysa a ramay ti pulis.
Idi kinapkapan da daytoy, naala da pay iti tallo a bala ti paltog , maysa para iti M14 ken dua para iti M 16.
Masdaaw ni Suitos no apay a naaramid ni Cariaga ti nasao a pasamak ket awanmet ti record na iti pulisya ken saan met a nabartek.
Iti agdama ket iberberipikardan no lisensiyado ni Cariaga ng agikot kadagiti bala ti paltog ken adda lisensiyado a paltog na.
