LAOAG CITY – Umab-abuten ti 31 ti bilang dagiti kameng ti PNP iti Ilocos Norte a simmango ti nagduduma a kaso.
Segun ken ni P/C/Insp. Dexter Corpuz, hepe ti Police Comunity Relations Office ti PNP Provincial Office, dagiti 31 a kameng ti PNP ket 30 kadagitoy ti simmango ti kaso admintrastibo idinto a maysa nga opsiyal ti simmango ti kaso kriminal.
Kuna na a kaaduan ket Police Officer 1 ti rangko dagiti simmango ti kaso administratibo.
Inbatad ni Corpuz a kadagiti sumangsango ti kaso administratibo ket tallo kadagitoy ti nadesisyunanen ngem saan na nga indetalye ti desisyun ti kaso da.
Inlawlawag na a namunganay ti pannakipila ti kaso kontra kadagiti nasao a bilang ti pulis ket paset ti “internal cleansing” nga ipatpatungpal ti PNP kadagiti kamkameng na a saan a napintas ti aramid na.
Inbatad ni Corpuz a posible a manayunan pay ti nasao a bilang no saan laeng nga agparbeng dagiti maseknan.
