LAOAG CITY – Inbatad ni Police Chief Inspector Gerardo Antonio, hepe ti PNP Pinili a naipilan ti kaso kontra kenni Po3 Jessie Baligad.
Segun kenni Antonio, dagiti imbestigador ti nangipila ti kaso iti piskalya iti ciudad ti Batac.
Kuna na basar ti kaudian nga statement ti witness ket ni PO3 Baligad ti triggerman iti pannakatay ti driver ti municipyo.
Inlawlawag na a napabasaol ni Benny Baligad gapo ta isu ti inbaga dagiti tattao nga adda iti lugar a nakapasamakan ti insidente.
Naamoan a daytoy ti nagbasaran dagiti otoridad a ti nangitudo a ti pimmaltog ket ni Benny.
Innayon ni Antonio a bayat ti pannakisarsarita na kadagiti testigo idi rabbi ket naamoan na a saan da nga ammo no kasano a pinaltogan ti suspek ti biktima.
Maipalagip a dagos a pimmusay ti biktima a ni Monico Aguinaldo kalpasan ti nasao a pammaltog iti nasao nga ili.
