LAOAG CITY – Inaprobaranen ti Department of Budget and Management ti pannakairuar ti P16.89 a bilyon tapno ipangato ti subsistence allowance dagiti suldado ti Armed Forces of the Philippines manipud iti P150 a napagbalin a P350 iti kada aldaw, epektibo daytoy mangrugi iti Enero 1, 2025.
Naammoan a sakupen daytoy dagiti opisial, enlisted personnel, trainees, reservists ken cadets.
Inbatad ni Budget Secretary Amenah Pangandaman, daytoy ti umuna a gundaway a panagngato ti allowance iti uneg ti maysa a dekada a gagem a suportaran ti kasasaad dagiti suldado ken bigbigen dagiti sakripisio dagitoy.
Kabayatanna, ti pundo ket aggapu iti 2025 budget ti Armed Forces of the Philippines ken dadduma pay a posible a pangalaan.
