LAOAG CITY – Maiyur-uray ti pundo ti Congressional Office para iti Government Internship Program wenno GIP ditoy probinsia.
Segun ken ni Ms. Janelyn Martin, Provincial Director ti Department of Labor and Employment nga adda ti panagkiddawda ti pundo iti opisinada para iti nasao a programa.
Inbatadna a manarimaan ti panag-recruit ti opisina ni Ilocos Norte 1st District Rep. Sandro Marcos para kadagiti agkalikagum nga agbalin a benepisiario ti Government Internship Program.
Kunana a napintas daytoy gapu ta agsueldo dagiti benepisiario babaen iti Department of Labor and Employment.
Malaksid iti daytoy, inpakaammo pay ni Martin nga adda met ti naibunong a Government Internship Program iti amin a Public Employment Service Office iti kada ili ken siudad ditoy probinsia.
Innayonna a babaen iti Government Internship Program ket makatulongda kadagiti nagduduma a trabaho iti maysa nga opsina ti Local Government Unit ken makasursuro dagitoy nga agtrabaho.
