LAOAG CITY – Saan pay a maiyestablisar dagiti otoridad ti pudno a rason ti nakasugatan ti maysa a lalaki nga addaan ti problema iti panagpanpanunot iti Brgy. Margaay iti ili ti Vintar kalpasan a naduktalan lattan iti kalsada nga addaan ti gerret iti tengngged na.
Binigbig ni PMaj. Arnel Tabaog, ti hepe ti PNP-Vintar ti biktima a ni Eleazar Agsalda Jr. AKA “ATOP”, residente iti nadakamat a barangay.
Inbatad ni Tabaog a basar iti pangimbestigarda, naggapo iti pagtaenganda ni Atop idi ta nakita na ti grupo dagiti aggi-inom nga isuda Sherwin Tiangga, Thomas Natividad, Charlie Ramones ken Jerico Vargas.
Nu pay kasta, kuna dagiti aggi-inom a nalpasen ti panaginom da rason gapu ta ammo da ti sitwasyon ni Atop rason nga intuloy daytoy ti nagna.
Inbatad na bayat ti panagturong ni Sherwin iti sentro tapno gumatang iti nayun ti inumen da ket inluganna ni Atop ken indissaag na daytoy iti waiting shed nga asideg iti merkado publiko.
Kabayatanna, kuna ni Tabaog a naamoanda a nagturong iti pagtaengan iti abagaten ti waiting shed tapno dumawat ti mainom ngem saanda nga inkaso agingga a nagcarolling ngem awan ti nagapuananna.
Inbatad na a nagsubli ni Atop iti waiting shed ken intuloy na nagnagana ken nagturong iti sentro.
Nakita ti blood stain iti waiting shed agingga iti amianan a paset ti merkado publiko ngem ti footprints ket nakita iti dalan nga agturong iti waiting shed ken iti asideg daytoy ket isu met laeng ti nakakitaan dagiti nangresponde kenkuana.
Kuna ni Tabaog nga adda ti nakana a sugat iti timid ni Atop ken iti agdama ket agtultuloy a matamtaming ti Atop iti Mariano Marcos Memorial Hospital and Medical Center iti siudad ti Batac.
Adda metten ti pamalpalatpatan dagiti otoridad iti posible nga adda iti likudan ti pannakadangran ti Atop ngem maiyuswat pay ti naun-uneg nga imbestigasyon para iti daytoy.
