LAOAG CITY – Saanen a kasapulan pay nga ipakita dagiti senior citizen ti purchase booklet-da no mapanda gumatang ti agas kadagiti botika.
Segun ken ni Ms. Erlinda Agustin, mangidadaulo ti Office of the Senior Citizens Affair ditoy siudad ti Laoag, daytoy ket kas maibasar iti baro a pagannurota nga inpatungpal ti Department of Health para kadagiti maseknan a senior citizen.
Inlawlawagna a ti laengen masapolda nga ipakita no agturongda kadagiti botika ket ti reseta nga inted kadakuada ti doktor tapno maammoan no mano ken ania a klase dagiti agas a gatangenda.
Nupay kasta, kuna ni Agustin a daytoy ket para iti panaggatang laeng iti medisina ngem no agturongda kadagiti grocery store ket kasapulan nga ipakita dagiti senior citizen ti purchase booklet-da.
