LAOAG CITY – Maysa a pusa idiay China ti nakagun-od ti world record gapu iti kabaelanna nga ag-skateboarding.
Kinumpirmaran ti records keeping organization a Guinness World Record a ti pusa a ni Bao Zi ti baro a record holder ti titulo a “Fastest 10m on a skateboard by a cat.”
Daytoy ket kalpasan a nagpataray ti skateboard nga addaan ti distansiya a 10 a mtero iti uneg ti 12.85 seconds.
Naammoan a ni Bao Zi ket 1 year and 8 months old ken taraken daytoy ti animal trainer a ni Li Jiangtao.
Dimmanon ni Li ti maysa a tawen sakbay a na-train ni Bao Zi nga aglugan iti skateboard.
Kabayatanna, ipo-post ni Li dagiti skateboarding videos ni Bao Zi iti online ken minilyon a views ti nangbuya kenkuana no sadino ti kinaadu dagiti fans ni Bao Zi, maibilang daytoy kas “celebrity” idiay China.
