LAOAG CITY – Nagpadispensar ni Russian President Vladimir Putin ken ni Azerbaijan President Ilham Aliyev gapu iti panagbagsak ti eroplano iti Russian airspace a nakatayan ti 38 a tattao.
Ti Azerbaijan Airlines flight J2-8243, manipud iti Baku ket agturong iti Grozny, ket mapapati a pinabettak ti Russian air defense kabayatan nga aglanding iti Grozny airport ken bimmagdak daytoy iti Kazakhstan kalpasan a nag-divert idiay Caspian Sea.
Segun ken ni Putin, napasamak ti insidente bayat a laplapdan ti Russia ti panagatake dagiti drone ti Ukraine.
Kabayatanna, kiniddaw ni Presidente Volodymyr Zelensky ti Ukraine ti naan-anay nga imbestigasion tapno maammuan ti pudno a rason iti pasamak.
