LAOAG CITY – Nangipeksa ti interes ni Russian President Vladimir Putin a maaddaanda ti panagsarita ken ni Ukrainian President Volodymyr Zelensky.
Inbatadna a kanayon a kitkitaenda ti positibo a resulta ti pannakailungalong maipapan iti kinakappia.
Inpabus-oyna laengen iti Ukraine no interesado pay isuda a makisarita kadakuada.
Immuna iti daytoy, nakiballaet ti Estados Unidos iti panagsarita ti dua nga opisial no sadinno nga adda ti inpatulodda a pannakabagi tapno naan-anayen a malpas ti sumurok tallo a tawenen a rinnupak ti dua a pagilian.
Kabayatanna, nagpangta metten ni United States President Donald Trump a baybay-andan ti nasao a dua a pagilian ken saandan a makibibiang pay kadagitoy.
