LAOAG CITY – Patibkeren pay ti gobierno ti ayuda para kadagiti mangmangged iti sektor ti transportasion kalpasan a sinuspenso ni Presidente Ferdinand Marcos Jr. ti pannakaipangato ti plete a manamnama a makatulong kadagiti driver gapu iti panagngato ti presio ti langis.
Inbatad ti Presidente a nangruna iti masungad nga Holy Week no sadinno a naruay ti agbiahe tapno saan a makissayan dagiti biaheda.
Inlawlawagna a babaen iti kastoy a wagas ket makaselebrar ti Holy Week dagitoy kaduada dagiti ay-ayatenda iti biag.
Maipalagip a sinuspenso ni Presidente Marcos ti inaprobaran a piso a nayon a plete a kinontra met dagiti transport groups gapu iti panagngato ti presio ti langis.
Saan met a nangipaay ti detalye ni Marcos no mano ti mainayon iti ayuda iti transport sector.
