LAOAG CITY – Depresyon ti makitkita a rason iti panagkamatay ti maysa nga indibidual nga addaan ti rangkap iti bagi wenno ti Person With Disability (PWD) iti ili ti Paoay.
Daytoy ti inpakaamo ni PSSgt. Lawrence Tabbal, iti PNP Paoay.
Binigbig ni Tacbal ti biktima nga agtawen ti 47, PWD ken residente iti nasao nga ili.
Inbatad ni Tacbal a basar iti panagimbestigar da, pinasyar pay laeng ti ikit na itay bigat ti biktima ngem itay nasapa a malem ket nakita na nga awanen ti biag ti kaanakanna kalpasan a nagbekkel.
Kabayatanna, kuna na nga awan met a pulos ti aniaman a linaon a mensahe ti cellphone ti maseknan.
Naamoan a maymaysa nga agbibiag ti biktima gapu ta adda iti siudad ti Baguio dagiti kabsat na ken ti laeng ikit na ti mangsarsarungkar iti daytoy.
