LAOAG CITY – Nagibunong ti meryenda ti maysa a lalaki nga agpidpidot ti basura iti lugar a nagdakkelanna iti Brgy. Lasien iti ili a Badoc.
Nabigbig ti lalaki a ni Leonardo Rosete wenno mas am-ammo iti nagan a Basil a taga Brgy. 16 Quiling Norte, Sitio Silangan iti Siudad ti Batac.
Gapu iti inaramid na iti laksid a maibilang a Person’s With Disability wenno PWD gapu ta adda ti gusing ti bibigna a nangitunda ti saanna unay makabalikas ti panagsasaona ket saan daytoy a nagbalin a lapped a makatulong daytoy kadagiti padana a tao.
Daytoy ti rason a nagbalin a Viral iti Social Media nga immaboten ti nasurok tallo a ribu ti nag-like ken nagreact ken umaboten ti dua a ribu ti sharesna iti uneg laeng ti sangapulo nga oras.
Gapu iti daytoy, natukay ti puso dagiti nakakita iti nasao a post iti Social Media gapu ta dagiti napidot a basura ni Basil ket urnungenna ken ilakona daytoy ket daytoyto met ti usarenna a mapan agtaya iti peryaan a kasukatna ket dagiti sitsiria nga inpaayna kadagiti am-amo na.
