LAOAG CITY – Mangnamnama ni Mr. Christoper King Medina, Disability Affairs Officer 4 iti Persons with Disability Affairs Office ditoy ciudad ti Laoag a sumaruno a maipaayan ti gundaway dagiti Persons With Disability a gumatang ti agas a saanen a kasapulan a maipakita ti booklet.
Daytoy ket kalpasan a ti laengen Identification Card ken reseta dagiti senior citizen ti maipakita no gumatang dagitoy ti agas.
Kunana a namnamaen na a kadagiti sumarsaruno a bulan ket kastoy met ti pribilehiyo a maipaay kadagiti persons with disability.
Inyarig ni Medina ti pannakaipaay idi ti Identification card kadagiti senior citizens no sadinno a simmaruno dagiti persons with disability ditoy ciudad ti Laoag.
Mamati a kastoy manen ti mapasamak tapno agpada ti probilehiyo a maipaay kadagiti persons with disability ken senior citizens ditoy ciudad.
