LAOAG CITY – Agarup 150 a Persons with Disability (PWDs) wenno dagiti addaan ti rangkap ti bagi iti ili ti Bacarra ti nabenipisyaran ti RISE Ilocos Norte wenno ti Re-Imagine to Stimulate Economy iti babaen ti Invest Office.
Segun ken ni Ms. Soya Cheng Bueno, mangidadaulo ti nasao nga opisina, nairanta ti nasao a progaram kadagiti PWDs nangruna ita a panawen ti pandemiya.
Inbatad na a manipod iti 150 a bilang ket 40 dagiti immunan a nakaawat ti 1000 a pisos a balor ti gift card.
Mainaig iti daytoy, maragsakan ni Bise Mayor Douglas Pilar iti ili ti Bacarra gapu ta iti nasao nga ili ti nakairubwatan ti programa iti gobierno probinysal.
Kuna na a nagasat dagiti kailyan na a nabaenipisyaran ken daytoy ti mangipamatmat ti panagayat ti gobierno probinysal kadagiti kailian.
Kabayatanna, naamoan a kalpasan iti ili ti Bacarra ket dagiti benepisyaryo iti ili ti Pasuquin ti simmaruno a nabunungan ti gift card.
