LAOAG CITY – Addan iti under control a ti Q fever nga immunan a naipadamag a kimmapet kadagiti taraken a kalding iti probinsia ti Marinduque.
Daytoy ti inbatad ni Department of Agriculture Spokesman Arnel de Mesa gapu iti naiwayat a madagdagus a depopulation ken condemnation ti ahensia kadagiti amin a taraken a baka ken kalding iti lugar a naapektaran iti nasao a sakit idiay Marinduque ken Pampanga.
Kunana nga apaman a nakumpirmar ti ahensia iti serye ti laboratory tests ti Q fever iti 94 a kalding a nakasangpet idiay Marinduque ket dagus nga inbilin ni Department of Agriculture Secretary Francisco Tiu Laurel ti depopulation dagiti nagsakit a kalding manipud iti quarantine areas idiay Pampanga.
Iti agdama, naka-ban pay laeng ti importasion ti kalding manipud idiay Estados Unidos a maibagbaga a nagtaudan ti Q Fever.
