LAOAG CITY – Pormalen a dimmawat ti panagpadispensar ni Quezon City 2nd District Rep. Ralph Tulfo kalpasan a natiliw ti luganna a nagna iti EDSA Busway iti maikadua a gundaway.
Inadmitirna a naiturong ti drayberna iti EDSA busway gapu iti panagal-alistoda.
Inlawlawagna a saanna nga inusar ti posisionna tapno maliklikan iti aniaman a pannakaipataw ti pannusa.
Kunana a saanna pay nga inusar ti nagan ti amana a ni Senador Raffy Tulfo tapno makaliklik iti pannakatiliwna.
Inpalgakna a binayadannan ti multa ken dumalan isuna ti maiyannatop a seminar kas paset ti pannusa.
Inpasingkedna nga aramidenna ti amin tapno saanen a maulit pay ti insidente.
