LAOAG CITY – Nangiparuk-at ti House Quad Committee iti show cause order para ken ni Mylah Roque, asawa ti dati a presidential spokesperson Atty. Harry Roque.
Pagpalpalawagen ti quad committee no apay a saan a nasken a mai-cite in contempt ni Mrs. Roque gapu iti kanayon a saanna nga idadar-ay iti hearing mainaig iti illegal nga operasion ti Philippine Offshore Gaming Operators.
Ti pannakaiparuk-at ti show cause order kontra ken ni Mrs. Roque ket induron ni Abang Lingkod Partylist Rep. Joseph Stephen Paduano ket inaprubaran a dagus ni Abang Lingkod Partylist Rep. Joseph Stephen Paduano kas overall chairman ti quad committee.
Kabayatanna, namin-adu a daras nga inimbitaran ti Quad Committee ni Mylah Roque tapno maalaan ti statement maipapan iti panagpirma iti lease agreement kadagiti Chinese nationals a konektado iti illegal Philippine Offshore Gaming Operators Hub idiay Bamban, Tarlac.
Maipalagip a naaresto dagiti nadakamat a Chinese nationals idi Hulio iti maysa a pagtaengan idiay Benguet a kukua ti PH2 subsidiary ti Biancham Holdings ti pamilia Roque.
