LAOAG CITY – Pimmusayen ni Queen Elizabeth II iti tawen na a 96 ken ti longest-serving monarch a nagserbi iti UK iti uneg ti 70 a tawen.
Daytoy ti kinumpirmaran ti Buckingham Palace.
Basar iti palasyo, nag-ummong pamilya na iti Scottish estate a Balmoral kalpasan nga adda ti nagbalin a problema iti salun-at na.
Naamoan nga adda iti abay na a sakbay a natay ni Prince Charles, ti dati a Prince of Wales ken daytoy ti agserbi kas baro nga ari ken mangidaulo ti 14 Commonwealth realms.
Nagbiyahe amin nga annak na iti Balmoral iti asideg ti Aberdeen kalpasan a naipan ti Queen iti medical supervision.
Presente pay ti apoko na a ni Prince William kadua na ti kabsat na a ni Prince Harry.
Ni Queen ket nangrugi iti trono idi 1952 ken ado ti naimatangan na a panagbaliw iti komunidad.
Daytoy ket manipod iti post-war austerity, ti panagbaliw ti empire ken napagbalin a Commonwealth, panagngudo ti Cold War ken ti panagserrek ken panagikkat ti UK manipod iti European Union.
Nagpaot ti panagturay ti reyna iti 15 prime ministers mangrugi ken ni Winston Churchill agingga ken ni Liz Truss.
Kabayatanna, iti Buckingham Palace idiay London, naipan ti Union flag iti half-mast kas senyales ti pannakipagladingit.
Ni Queen Elizabeth wenno Elizabeth Alexandra Mary Windsor ket naipasngay idiay Mayfair, London idi Abril 21, 1926.
