LAOAG CITY – Nagpanawagan dagiti lokal nga opisial para iti naig-iget pay a panagsagsagana iti gingined kagiddan kadagiti maiwaywayat nga earthquake drills kadagiti nagduduma a siudad idiay Metro Manila kas panagsagsagana ti posible a 7.2-magnitude a gingined no aggaraw ti West Valley Fault.
Nangisayangat ti Disaster Risk Reduction and Management Office idiay Quezon City ti “Walk the Fault” activity kaduana ti City Engineering Department ken Department of Building tapno kitaen dagiti kalsada ken pasdek nga adda iti linya ti fault.
Naammoan nga inikkanda pay ti marker dagiti lugar a pagpagnaan ti fault line.
Karaman kadagiti barangay a pagpagnaan ti fault ket ti Bagong Silangan, Batasan Hills, Matandang Balara, Pansol, Blue Ridge B, Libis, Bagumbayan, White Plains, ken barangay Ugong Norte.
