Inlawlawag ni Atty. Gerald Gallardo Provincial Director ti Department of the Interior and Local Government ditoy probinsya, ti naiget a ti panagi-isyu ti barangay clearance kadagiti agkasapulan.
Segun kenkuana adda pagannurotan a masapol a suroten daytoy ti Republic Act 11032 wenno Ease of doing Business and Efficient Delivery of Government Service Act of 2018 ken ti Departmet of the Interior and Local Government memorandum circular no. 2019-177 integration of business.
Impakaammo na met dimmanon iti opisinadan ti isyu ni Barangay Chairwoman Evangeline Rarangol iti barangay Nagpatpatan iti ili ti Solsona.
Kinumpirmaran pay ni Gallardo a maymaysa a barangay ti saan a nakapagcomply sipod pay idi 2021 agingga iti agdama a tawen, daytoy ket ti Barangay Nagpatpatan iti nadakamat nga ili.
Kunana a masapol a makita a nasayaat dagiti dokumento ti panagproseso ti business permit ken building permit no sadinno a ti kangrunaan a masapol ket ti barangay clearance.
Inlawlawag ni Gallardo a nakailanad iti Republic Act 11032 section 11 paragraph (f) a ti barangay clearance ket kasapulan a ma-integrate iti biang ti local government unit no sadinno a ni municipal treasurer ti agsingir ken isuda ti mang-notify iti kapitan nga adda agkasapulan ti clearance a rumbeng met nga iisyuan da.
Kunana a ti pagsingiran ni municipal treasurer ket maited met laeng iti biang ti barangay.
Mainaig iti daytoy ket naigget nga imonmonitor da daytoy a pagannurotan nangruna kadagiti saan pay a nag-comply.
Kabayatanna, inyunay-unayna a no man adda nalabsing ti agaplikar iti barangayda ngem saan a mainaig iti panagaplikarna iti business permit ken buiding permit ket rumbeng latta a maikkanda ti barangay clearance.
