Im-imbestigaranen ti Federal Bureau of Investigation, United States Justice Department ken dadduma pay nga ahensia ti estado dagiti tattao nga adda iti likudan dagiti racist mass text messages a naipatulod kadagiti Black Americans kabayatan ti kangitingitan ti 2024 US Presidential elections.
Naipadamag ti pannakaipatulod dagiti text message manipud kadagiti saan a nainaganan nga indibidual iti nagduduma nga estado ti America a pakairamanan ti New York, Alabama, California, Ohio, Pennsylvania, Maryland ken Tennessee.
Iti naipatulod a text message, ket bilbilinen dagiti sender dagiti recipient nga aglugan iti maysa a bus wenno van a mangitulod kadakuada iti maysa a plantasion tapno agtrabahoda kas slaves wenno alipin.
Kabayatanna, immuna a linawlawagan ti presidential campaign ni US President-elect Donald Trump nga awan ti pakainaiganda iti pannakaiwaras dagiti racist text messages kadagiti Black Americans.
