LAOAG CITY – Kinumpirmaran ti aktor a ni Rafael Rosell nga uppat a tawen a kasar dan iti nabayagen a karelasyon na a ni Valerie Chia.
Inbatad ni Rafael a nagkasar da ken ni Valerie iti babaen laeng ti maysa a civil ceremony a naiyuswat iti balayda idiay New Manila, Quezon City, idi Abril 20, 2020.
Segun kenkuana, awan pulos ti inimbitar da idi nagkasar da gapu ta kangitingitan ti pandemya gubuay ti covid-19 virus.
Iti baet nga uppat a tawenen a kasar da ken ni Valerie, kuna ti aktor nga awan pay ti plano da a maaddaan ti anak gapu ta kayat da paylaeng nga enjoyen ti panagdenna da a dudua.