LAOAG CITY – Inbatad ni Atty. Juanito Antonio, maysa a private practitioner a nagasang ti insawang ni Chinese Ambassador to the Philippines a ni Jing Quan a nalaka laeng no agaramat ti China ti pwersa.
Kinunana nga iti diplomasia, arigna mangprobprobokar daytoy.
Inbatadna nga imbes a ti maysa nga ambassador ket mangidaulo ti naannayas a sarita tapnon mapagtalinaed ti linak ken talna iti dua a pagilian ket daytoy pay ti mangprobokar kadagiti dua a pagilian.
Inpetteng ni Antonio nga uray man pay awan ti namnama ti pagilian no ikumparar iti pagilian ti China ket saan a napintas a baliksen daytoy iti uneg ti dakdakamatenna a pagilian.
Segun kenkuana, gapu iti nagbalin rakurak ni Quan, masapol nga agtignay ti pagilian babaen iti naannayas a pannakisarita iti pagilian a China gapu ta awan ti kabalinan ti pagilian no aramiden ti China ti rakurak ti nasao nga ambassador.
Nupay kasta, inpettengna nga iti baet iti kinaawan ti namnama ti pagilian kontra iti China, masapaol ti panangilaban ti pagilian ti teritoriona babaen ti diplomasia ken naannayas a pannakisarsarita.
