LAOAG CITY – Inrakurak ni Atty.Domingo Cayosa, dati a Presidente ti Integrated Bar of the Philippines a ti nagbalin a rakurak ni Vice Presidente Sara Duterte ket maibilang a contemptuous a masapol a pagpalawagen ti senado ken pagsungbaten daytoy.
Inbatad ni Atty. Cayosa a kalokoan ti nagbalin a rakurak ti bise presidente gapu ta saan a mabalin nga irakurak ti maus-usig a sarswela laeng ti impeachment.
Inpaganetget ni Cayosa a ti kayatna a sawen ti “sarswela” ket kalokoan ti laeng ti napasamak wenno kunwari laeng.
Inpetteng na a saan a kunwari laeng ti impeachment case gapu ta nakapatpateg daytoy a kaso gapu ta ti pagibasaran ket ti konstitusyon a mismo.
Innayon na a seryoso dagiti alegasyon a paratang na plunder, panagtakaw, panagabuso no sadinno a ti maikadwa a kangatoan nga opisyal ti karaman iti impeachment.
