LAOAG CITY – Maibilang a seryoso a pangta ti Malakañang iti kinatalged ti Chief Executive ti inbalikas a sarita ni Vice Pres. Sara Duterte.
Basar iti Presidential Communications Office, aniaman a pangta nga adda ti pakainaigan iti biag ti Presidente ket saan a mabalin nga iyang-angaw nangruna ket inrakurak ti Bise Presidente daytoy iti publiko.
Inbatad ni Vice Pres. Sara nga adda ti innala nga assassin tapno ipapatay ti Presidente no bilang agballigi ti plot kontra kenkuana.
Mainaig iti daytoy, inlawlawag ti Presidential Communications Office a nagtignayen ti pangopisinaan ti Executive Secretary maipanggep iti daytoy ken naikoordinaren iti Presidential Security Command ti arig active threat ken ni Pres. Marcos.
Maibasar iti Presidential Communications Office for immediate proper action ti pammilin para iti kinatalged ti Presidente.
