LAOAG CITY – Inbutaktak ni Department of the Interior and Local Government (DILG) Secretary Jonvic Remulla nga innaganan ni Ramil Madriaga dagiti sumagmamano a kinontrata ni Vice President Sara Duterte nga hitmen.
Segun iti sekretario, posible nga iruar dagitoy iti sumaruno a testimonia ni Madriaga iti masangoanan.
Maipalagip nga immunan nga inakusaran ni Madriaga ti dati a Presidente Rodrigo Duterte iti panangidatagna ti supplemental affidavit-na ti impeachement hearing iti House Commitee on Justice idi Martes a nagplano ti dati a Presidente ti assasinasion wenno kudeta kontra ken ni Presidente Ferdinand Marcos Jr. no saan a bumaba ti puesto ti tawen 2025.
Nupay kasta, naglikudan ti kampo ni Vice President Sara dagiti akusasion ni Madriaga ket inawaganna a pure fiction ken awan ebidensiana.
Iti biang met ti Malacañang, inpaimadan iti National Bureau of Investigation (NBI) ti panagimbestigar kadagiti rebelasion ni Madriaga.
