LAOAG CITY – Inawagan ni House Deputy Speaker La Union 1st district Rep. Paolo Ortega V ni detainee Ramil Madriaga kas posible nga “star witness” iti manamnama nga impeachment trial ni Vice President Sara Duterte iti Senado.
Inbatadna a tumibtibker ti kredibilidad ni Madriaga gapu ta nakasagana a lukatanna ti bukudna a bank accounts ken ipatingiting dagiti transaksion daytoy.
Inlawlawagna a no matuloy ti impeachment iti Senado, mabalin nga agbalin nga “star witness” ni Madriaga gapu iti linaon ti affidavit ken supplemental affidavit aglalo no mapaneknekan iti bank records dagiti alegasionna.
Maipalagip nga idi Abril 14, simmango ni Madriaga iti House Committee on Justice para iti imbestigasion kadagiti reklamo ti impeachment ken ditoy a pinirmaanna ti waiver ti bank secrecy rights.
