LAOAG CITY – Maestablisar ti rangtay Barangay Daquioag iti ili ti Marcos.
Segun ken ni Mayor Antonio Mariano, narugianen ti nasao a proyekto ken naiget ti panangmonitorda tapno nasayaat ti pannakaaramidna.
Inbatadna naruay a barangay ti mabenepisiaran iti daytoy a proyekto pakairamanan ti Barangay Tabucbuc, Ferdinand, Santiago, Elizabeth, Cacafian ken Escoda.
Kunana a babaen iti daytoy ket ad-adda a matulungan dagiti residente ken motorista a dumalyasat iti nataltalged a rangtay
Innayonna nga iti agdama a maus-usar ket ti rangtay iti Barangay Valdez ngem daan daytoyen isu nga ikagkagumaanda a maipatungpal nga insigida ti nasao a proyekto iti kabiitan a panawen.
