LAOAG CITY – Saan a ninamnama ni Engr. Joash Normie Duldulao nga agbalin isuna a rank 10 ken nakagun-od ti 91.15% iti kalepleppas a November 2024 Philippine Civil Engineer Licensure Exam.
Segun kenkuana, ti laeng kararagna iti namarsua ket makapasa isuna iti nadakamat nga eksaminasion ken maragasakan dagiti naggannak nangruna ta isuna ti kaunnaan a propesional iti pamiliada.
Inbatad na a maysa kadagiti nagbalin a karit iti panagreview-na ket ti rikna a panagdudua iti bagina no makapasa daytoy iti eksaminasion.
Kinunana a malaksid iti kararag ken panagtalek iti Diyos ken kasapolan a buyogen ti kinagaget ti rason tapno magun-od ti arapaap.
Kabayatanna, nakasaganan ken sibubukel ni Duldulao a managawat kadagiti oprtunidad a maipaay kenkuana.
