LAOAG CITY – Inarestar dagiti kamkameng ti PNP-laoag ti number 7 top most wanted person iti ciudad ti laoag ken adda iti listaan ti Prov’l Anti-Private Armed Group and Dangerous Drug Council (PAPAGDDC)
Nabigbig daytoy a ni Ian Noces , agtawen iti 34, awanan asawa, awanan trabaho ken residente iti Bgy. 7-B iti ciudad ti Laoag.
Naarestar ni Noces iti paset ti maysa a KTV Bar a masarakan iti Bgy. 8 iti ciudad ti laoag babaen ti bileg ti warrant of arrest nga inparuk-at ni Hon. Judge Conrado Ragucos iti Branch 16. iti ciudad ti laoag gapu iti kaso a panagsalungasing iti Comelec Resolution No. 10015 wenno gunban ken R.A. No. 10591 wenno Comprehensive Law on Firearms and Ammunition.
Naipaayan ni Noces ti gundaway nga agpiyansa iti sag 120 a ribo a pisos iti tunggal kaso para iti temporaryo a pannakawayawaya na.
