LAOAG CITY – Natiliw ti maibilang a rank no. 1 most wanted person ti ili ti Bacarra babaen ti bileg ti warrant of arrest nga inserbi dagiti kameng ti CIDG iti Ilocos Norte Police Provincial Office .
Nabigbig ti akusado a ni Feliciano Baquiri y Apaga, agtawen ti 54, naasawaaan, mannalon ken residente ti Barangay Cadaratan iti ili ti Bacarra, Ilocos Norte.
Immuna iti daytoy, nagturong dagiti otoridad idiay Tarlac City iti panangidaulo ni Police Chief Inspector Nelson Apostol, mangidadaulo ti Ilocos Norte CIDG.
Ti warrant of arrest ket pinaruk-atan ni Hon. Judge Francisco Quilala iti Branch 14 iti ciudad ti Laoag gapo ti kasao na nga homicide.
Naarestar a nasao nga akusado idiay Calabangan, Mayantoc, Tarlac ken awan ti nairekomendar a pyansa na.
