LAOAG CITY – Naiyuswat ti drug buy-bust operation iti Barangay Binaratan, Sarrat, Ilocos Norte.
Nabigbig ti subjet ti operasyon a ni Dolan Calaro ken residente met laeng ti nasao a barangay.
Nakumpiskar dagiti otoridad dagiti uppat a sachet a naglaon ti maipagarop a shabu ken naikabil iti kaha ti pospuro, pakairamanan ti caliber 22 a paltog nga addaan ti 3 a bala ken ti 5 a pisos a nausar iti operasyon.
Naamoan a ni Calaro ket number 15 iti drug watchlist ti PNP iti nasao nga ili.
Nupay kasta, naglikudan ni Calaro dagiti alegasyon kontra kenkuana.
Manamnama a mapilaan ni Calaro ti kaso a panaglabsing ti RA 9165 wenno Comprehensive Dangerous Drugs Act ken RA 10591 wenno Comprehensive Firearm and ammunitions Act.
