LAOAG CITY – Natiliw ti maysa a lakay kalpasan ti naimballigian a buy bust operation kontra kenkuana iti ili ti San Nicolas.
Nabigbig daytoy ni Jesus Bagay, agtawen ti 64, naasawaan ken residente iti Bgy. 2 ti nasao nga ili.
Naala iti ikot ni Bagay ti 4 a babassit a sachet a naglaon iti maatap a shabu ken sangaribo a pisos a buy bust money baaben iti maysa a pulis a nagpammarang a gumatang iti nasao a droga.
Nupay kasta, naglikudan ni Bagay a kukua na dagiti narekubre kenkuana ket inpetteng na nga immula da daytoy.
Iti laksid iti daytoy, nakasagana a sumango iti kaso nga ipila da kenkuana.
Inako nga idi ket nagus-usar ken nagalaklako ngem nabayagen gapu nagsurender daytoy.
Mainaig iti daytoy, inbatad ni PC/Inps. Paul Benedict Parado, Heope ti Pulisya ti nasao nga ili, a saan da nga aramid ti agimula ti ebidensiya.
Kuna na a nagkabulan a sinipsiputan da tapno penken da no agpayso ti damag a nagsubli iti illegal nga aramid agingga nga inoperasyunan da.
Kuna ni Parado a maibilang pay ketdi ni Bagay a Rank No. 7 iti municipal level panggep ti operasyon ti illegal a droga iti ili San Nicolas.
Maisagasaganan ti kaso a panaglako ken panagikot ti ilegal kontra ken ni Bagay.
