LAOAG CITY – Manamnama a mangipatungpal ti Philippine National Police ti re-assignment kadagiti empleado da nga addaan ti kabagyan a kandidato para iti 2025 Midterm Election.
Daytoy ket tapno maliklikan ti aniaman nga impluwensiya ti nailyan a pulisya iti Election.
Segun kenni PNP Chief PGen. Rommel Marbil, ipatungpalda ti barrage in place tapno masigurado nga agtalinaed a nonpartisan ti ranggo ti Nailyan a Pulisya.
Agingga ita, awan pay ti pinal a datus no mano a pulis ti addaan ti kabagian nga agkandidato iti eleksion.
Ngem inpasigurado ni Marbil nga apaman a maipinal ti datus ket marugian a dagus a maipatungpal ti re-assignment.
Kabayatanna, naiget metten ti monitoring ti nailyan a pulisya kadagiti maibilang nga areas of concern.
