LAOAG CITY – Naipatungpal ti re-shuffling kadagiti hepe ditoy probinsya kas mandar ti higher office ti PNP.
Ni Police Lt. Col. Mar Loiuse Bondoc, iti Provincial Intelligence Detective Unit ket ma-assign kas chief of police ti ciudad ti Batac; idinto a ni Police Lt. Col. Roger Digmayo ket agbalin a pannakangiwat ti INPPO; ni met Police Major Carlo Abing ket ma-assign kas deputy chief of police ti PNP-Laoag.
Maipan met iti Provincial Intelligence Unit ni Police Major Joseph Baltazar manipud iti ili ti San Nicolas; idinto a ni Police Major Dioniso Baldillo manipud iti PNP-Bacarra ket agbalin a deputy chief of police ti ciudad ti Batac.
Karaman pay a maiyakar ni Police Major Julius Basallo nga agserbi met kas hepe ti PNP-Dingras; ni Police Major Joseph Calderon ket agbalin deputy ti Provincial Operations Management Unit iti Camp Captain Valentin S. Juan.
Ni met Police Major Christian Felix ket agbalin kas hepe ti PNP-Marcos; ni met Police Major Antonio Marzan Jr ket maiyakar iti PNP-Pagudpud kas hepe idinto a ni Police Major Eduardo Santos ket agbalin kas hepe ti PNP-Badoc.
Ni Police Major Eddie Suyat ket agserbi nga hepe ti ili ti Vintar; agbalin met nge hepe ti Bacarra ni Police Major Arnel Tabaog idinto a ni Police Major Joseph Tayaban ket agbalin nga hepe ti PNP-San Nicolas.
Maiyakar met iti Camp Captain Valentin S. Juan ni Police Captain Johnveil Maramag, idinto a ni Police Lt. Angeline Aguinaldo ket agbalin nga hepe ti ili ti Dumalneg, ken ni Police Lt. Rodel Baradi ket agserbi nga hepe ti ili ti Paoay.
Mainaig iti daytoy, kuna ni Police Col. Christopher Abrahano, ti Provincial Director ti INPPO a ti re-shuffling kadagiti opisyal ti PNP ket kas paset iti panagsagana da iti 2022 Local and National Elections.
