LAOAG CITY – Naragsak nga inpakammo ni Mrs. Cherry Joy Garma, ti Information Officer iti Dept. of Education ditoy ciudad ti Laoag a ngimmato ti reading skills wenno comprehension dagiti estudyante iti 91 a porsiento.
Daytoy ket basar iti monitoring ken report ti Curriculum Implementation Division, nga isu ti in-charge kadagiti reading programs ti Dept. of Education ditoy ciudad ti Laoag.
Segun kenni Garma, maysa kadgaiti kangrunaan a rason no apay a marigatan pay laeng dagiti dadduma nga estudyante nga agbasa ket gapo iti pandemya.
Inlawlawag na a gapo iti pandemya ken saan a natutukan unay dagitoy ket adda ti learning gap dagiti estudyante kangrunaan na dagiti beginning learners wenno Grade 1 agingga iti Grade 3.
Mainaig iti daytoy, kunana nga agtultuloy met ti panangipaay kadagiti learning materials kas katulungan ken ma-access ti learning resource portal anyaman nga oras.
Inpetteng na a mandato ti Dept. of Education ti nasao a programa kangrunaan na ti 3Bs wenno ti Bawat Bata Bumabasa.
Dinakamat na a kas suporta iti daytoy ket adda ti panagsanay ti Division Office kadagiti mangisursuro ken school heads para kadagiti reading interventions, ken adda pay ti robotics training a dakkel a tulong kadagiti ubbing gapo ta masursuro da ti agbasa babaen iti daytoy.
Malaksid iti daytoy, adda pay ti inrubwat ti kada pagadalan nga School-based interventions program no sadinno dagiti ubbing a marigatan nga agbasa ket maummong ken masursurwan nga agbasa i ti bakante nga oras wenno malpas iti klase.
